هتموت من الضحك مع نوارة نجم وسخرية على الشاطر و البلتاجى واو اسماعيل و مرسى و المرشد و صفوت حجازى و عبدالله بدر و العريان و الكتاتنى و الاخوان والسلفيين على تويتر الان

هتموت من الضحك مع نوارة نجم وسخرية على الشاطر و البلتاجى واو اسماعيل و مرسى و المرشد و صفوت حجازى و عبدالله بدر و العريان و الكتاتنى و الاخوان والسلفيين على تويتر الان



ام نباتاتك ‏@nawaranegm

الجزء التاني من مسرحية "العيال كبرت"... "الاخوان حكمت"

ام نباتاتك ‏@nawaranegm

محمد مرسي عاطف السكري، خيرت الشاطر ابو السلاطين، المرشد احمد زكي.. وصفوت حجازي البت سوسو

ام نباتاتك ‏@nawaranegm

لا عبد الله بدر هو الولية ذاتها.. مش انت الولية؟

ام نباتاتك ‏@nawaranegm

ايه يا بلتاجي ده؟ بتشرب سجاير في الفسحة؟ مش تشربها في دورة المية؟

ام نباتاتك ‏@nawaranegm

احنا عبد الواحد هههههههههههههههههه

ام نباتاتك ‏@nawaranegm

ابو اسماعيل هو سونة اجدع ناس

ام نباتاتك ‏@nawaranegm

هو اسمه سونة، وابوه اسمه اجدع، وجده اسمه ناس.. وامه اسمها اسكندرية #ابو_اسماعيل

ام نباتاتك ‏@nawaranegm

لا ما تلخبطوش الادوار، مرسي عاطف، وخيرت ابو السلاطين، والمرشد احمد زكي، وصفوت سوسو، والبلتاجي كريمة مختار، وعبد الله بدر الولية.. يتبع

ام نباتاتك ‏@nawaranegm

واحنا عبد الواحد، وابو اسماعيل سونة اجدع ناس، كان مين بقى رمضان السكري؟ فكروني

ام نباتاتك ‏@nawaranegm

ماشي العريان هو رمضان السكري.. ده حتى راح امريكا وساب البيت يابو السلاطين

ام نباتاتك ‏@nawaranegm

ما اعتقدش ان ابو اسماعيل حيتحبس، ابو اسماعيل وحازمون حيشيلوا الليلة لحركة احرار اللي فيهم وايت نايتس.. امال هم كانوا بيجندوهم ليه؟

ام نباتاتك ‏@nawaranegm

ابو اسماعيل متأمن من خيرت الشاطر ومن الجهاز اللي هو بيشتغل لحسابه، وتجنيد بعض عناصر من الوايت نايتس كان الهدف منه انهم يشيلوا تبعات الطين

ام نباتاتك ‏@nawaranegm

الايام بينما

ام نباتاتك ‏@nawaranegm

ابو اسماعيل استعبط شوية ثوريين، زي ما استعبط ناس كتير غيرهم، زي ما استعبطنا في العباسية.. الشوية اللي استعبطهم دول هم اللي حيشيلوا الليلة

ام نباتاتك ‏@nawaranegm

انا اهو وانتوا اهو.. ابو اسماعيل لو قتل مراته وعلقها في الشارع مش حيتحبس.. بكرة الايام تثبت لكوا انه مش بيشتغل من دماغه

ام نباتاتك ‏@nawaranegm

لا يا جدعان.. مش الوايت نايتس هم الاحرار.. فيه بعض عناصر، مش كتير كمان، راحوا مع حازمون، زي ما شباب ثوري كتير راح معاهم.. طيبين هم مش اشرار

ام نباتاتك ‏@nawaranegm

هم مصدقين انه ثوري وبتاع.. لكن مش الوايت نايتس بشكل رسمي مع حازم ابو اسماعيل، ركزوا الله يخليكوا عشان الحاجات الدقيقة دي مهمة

ام نباتاتك ‏@nawaranegm

يعني هو احنا لما نزلنا في العباسية كنا مع حازم ابو اسماعيل؟ فيه بعض الشباب صدق فيه تصادف انهم من وايت نايتس، بشكل فردي مش بشكل رسمي

ام نباتاتك ‏@nawaranegm

ويعني ما تتنططوش على العيال عشان ابو اسماعيل ضاحك عليهم.. ما احنا اتلطخنا على قفانا في العباسية، بس برضه احنا مش ندمانين لان عملنا الصح

ام نباتاتك ‏@nawaranegm

لا بيشتغل لحساب الاخوان ايه؟ ده مخابرات.. وبكرة الايام تثبت لكوا

ام نباتاتك ‏@nawaranegm

لو رجع الزمن بيا تاني برضه كنت حانزل العباسية... انا ما ابيعش ضميري عشان اي حاجة ولا اي حد.. مش معنى انهم ملوثين اني ابقى ملوثة زيهم

ام نباتاتك ‏@nawaranegm

كون ان ابو اسماعيل وبلطجيته دايما يدوروا على حد يتستروا وراه مش معناه اني اخالف ضميري في اي موقف.. ولو اتعادت العباسية حانزل برضه

ام نباتاتك ‏@nawaranegm

يعني كنت اسيب ناس معتصمة تنضرب؟ والله لو اسرائيليين ما كنتش سبتهم

ام نباتاتك ‏@nawaranegm

بصوا بقى.. لو خيرت الشاطر شخصيا، لا.. لو بديع شخصيا اتحاكم ومرسي اتعزل واتشنق برضه ابو اسماعيل مش حيجرا له حاجة وبكرة الايام تثبت لكوا

ام نباتاتك ‏@nawaranegm

لو سمحتوا ما تساعدوش ابو اسماعيل انه يلبس ابرياء جرائمه عشان شوية ناس من الجروب راحو بشكل فردي.. واللي راحو دول ابرياء برضه

ام نباتاتك ‏@nawaranegm

حد يسأل الاخوان كده هم ليه مشوا ابو اسماعيل؟ سيبكوا من انهم دلوقت بيستخدموه؟ زي ما بيتعاونو مع جهاز امن الدولة، بس ليه مشوه قبل كده؟

ام نباتاتك ‏@nawaranegm

بس الشهادة لله ابو اسماعيل محامي شاطر.. عامل زي مرتضى منصور بس على النسخة الاسلامي

ام نباتاتك ‏@nawaranegm

انا مش عايزة المرة دي كمان الشباب الصغير هو اللي يلبس وابو اسماعيل يبقى عنده كرامب.. هو المسئول الاول ويتحاسب على الطراش اللي بيعمله

ام نباتاتك ‏@nawaranegm

واذا كان مسئوله مفهمه انه عمره ما حيتحاسب.. مسير مسئوله نفسه يتحاسب ويخش السجن.. واخد لي بالك يا سونة اجدع ناس؟

ام نباتاتك ‏@nawaranegm

حد يفسر لي بصفة ايه ابو اسماعيل طايح في البلد طيحة ولا حتى خيرت الشاطر عارف يطيحها؟ ده حارسه الشخصي اتقبض عليه عشان سلاحه مش مرخص

ام نباتاتك ‏@nawaranegm

ابو اسماعيل كان طايح ايام العسكر وطاح زيادة دلوقت، حتى الاخوان نفسهم بيتحاموا فيه.. وما بيحصلوش حاجة.. ليه بقى؟ مين وراه؟ مش الاخوان

ام نباتاتك ‏@nawaranegm

محمد بديع نفسه ما يقدرش يعمل اللي بيعمله حازم، انتوا ملاحظين سلوك الاتنين؟ الاخوان وحازمون؟ تعالى نبص على سلوكهم في الاتحادية

ام نباتاتك ‏@nawaranegm

الاخوان والسلفيين الاتنين كان معاهم سلاح.. الاخوان خافوا واستموتوا وادعوا قتلى مش منهم، وحازمون ولا كلفوا نفسهم الانكار... الثقة دي منين؟

ام نباتاتك ‏@nawaranegm

اذا الاخوان اللي حاكمين البلد بيعملوا العملة وينكروها ويخافوا من المسائلة.. اشمعنى ابو اسماعيل ما بينكرش وما بيتسئلش؟

ام نباتاتك ‏@nawaranegm

يعني ايه حارس خيرت الشاطر يتقبض عليه ويتشمط واللي ما يشتري يتفرج عليه عشان سلاح مش مرخص وابو اسماعيل يبلطج علنا وماحدش يهوب ناحيته؟

ام نباتاتك ‏@nawaranegm

انا مش بانكر ان خيرت متفق مع ابو اسماعيل.. بس خيرت اللي بيتحامى في ابو اسماعيل مش العكس.. شوفوا بقى مين اللي ورا ابو اسماعيل

ام نباتاتك ‏@nawaranegm

مش حيجرا له حاجة.. مش حيجرا له حاجة.. وحتشوفوا.. اي عيل غلبان حيشيل مكانه زي تجار المخدرات وهو مش حيجرا له حاجة

ام نباتاتك ‏@nawaranegm

فيا ريت بقى احنا كمان ما نساعدوش يشيل العيال الغلابة مكانه، حتى لو العيال اغبيا وشرانيين، بس حرام يشيلوا مكانه

ام نباتاتك ‏@nawaranegm

اغبى انسان يا خيرت اللي بيفتكر ان الوساخة وانعدام المبدأ ذكاء.. التجربة اثبتت كده والله العظيم.. ومسيرها تثبت لك لما تلعب في مراخيرك

ام نباتاتك ‏@nawaranegm

هي لجان الاخوان دول على طول مغيبين؟ ولا تعليمات المرشد ما يتفرجوش غير على قناة 25؟ دول لسه بيقولوا موضوع حارس الشاطر ملفق

ام نباتاتك ‏@nawaranegm

عاملين زي ما قعدوا يقولوا لنا مات عشرة مننا والنيابة طلعت بيان ان ما ماتش منهم الا واحد

ام نباتاتك ‏@nawaranegm

على فكرة حارس الشاطر اتقبض عليه، وسلاحه مش مرخص، وجات له رسالة على الموبايل بتقوله: ما تجيبش سيرتنا.. اتفرجوا على اي حاجة تانية غير 25

ام نباتاتك ‏@nawaranegm

انا باقول نكنس السيدة على ابو اسماعيل.. مالوش حل تاني.. والله، اللي حيروح قريب يسلم لي عليها ويكنس عليه السيدة

شـــاهـــد أيـــضـــا